Президент нутқида минтақадаги экомуаммоларнинг ечимлари кўрсатилди (+видео)
Давлатимиз раҳбарининг Остона шаҳрида бўлиб ўтган Минтақавий экологик саммитдаги нутқи Марказий Осиё минтақасидаги экологик хавф-хатарларга нисбатан янгича ёндашувни шакллантиришда муҳим аҳамият касб этади. Қолаверса, Марказий Осиё давлатлари ўртасидаги экологик ҳамкорликни сифат жиҳатидан янада янги босқичга кўтаради.
Илгари сурилган таклиф ва ташаббуслар минтақа экологик сиёсатида ўзаро ҳамжиҳатликни мустаҳкамлаш, барқарор яшил тараққиётга эришишда алоҳида аҳамиятга эга ҳисобланади.
Мазкур анжуманда давлатимиз раҳбари томонидан илгари сурилган ташаббусларнинг мазмуни ва аҳамияти ҳақида Олий Мажлис Қонунчилик палатаси депутати Қизилгул Қосимова ўз муносабатини билдирди:
— Марказий Осиё давлатларининг қарийб 400 миллион гектарга яқин ери мавжуд. Олимларимизнинг фикрича, ушбу ҳудуднинг 20 фоизи аллақачон деградацияга учраган.
Остонада бўлиб ўтган экологик саммитда юртбошимиз минтақадаги шу каби экологик муаммоларга эътибор қаратибгина қолмай, бу муаммоларнинг ечимлари бўйича ҳам аниқ таклифларни илгари сурди.
Минтақадаги 5 та мамлакат бевосита бир-бирига чамбарчас боғланган. Демакки, қайси йўналишда бўлмасин, давлатларимиз биргаликда, ҳамжиҳатликда ҳаракат қилиши лозим бўлади. Алоҳида ҳолатда бирор натижага эришиб бўлмайди. Шу маънода давлатимиз раҳбарининг биргина «Марказий Осиёнинг тоза ҳавоси» давлатлараро консорциумини таъсис этиш таклифи минтақа ҳудудларида ҳаво сифатини яхшилашда, аҳоли саломатлигини асрашда муҳим аҳамият касб этади.
Батафсил қуйидаги видеоҳаволада.
<iframe width="650" height="420" src="https://www.youtube.com/embed/zzzq6o-ThQs" title="Prezident nutqida mintaqadagi ekomuammolarning yechimlari ko‘rsatildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳтарама Комилова, Улуғбек Тўхтаев (видео), ЎзА
