Полина Кудерметова Чарлстонда кейинги даврага йўл олди
Америка Қўшма Штатларининг Чарлстон шаҳрида WTA 500 таснифига кирувчи аёллар ўртасидаги “Credit One Charleston Open” турнирида асосий тўр баҳсларининг илк босқичи беллашувлари давом этмоқда.
Қувонарлиси, мазкур босқичда теннисчимиз Полина Кудерметова украиналик Александра Олийникова билан рақобатлашди. Уч сет давом этган ушбу ўйинда теннисчимиз 3:6, 7:6, 6:4 ҳисобида зафар қучди.
Шу тариқа, иккинчи даврага йўл олган Полина Кудерметова турнирнинг чорак финал йўлланмаси учун ўтадиган ўйинда канадалик Лейла Фернандес билан тўқнаш келади.
Жавоҳир Тошхўжаев,
ЎзА
