Өзбекстан Президенті Лаос басшысымен кездесті
15 қазан күні Баку қаласында Өзбекстан Республикасы Президенті Шавкат Мирзиёевтің Лаос Халық Демократиялық Республикасының Президенті Тхонглун Сисулитпен кездесуі өтті.
Кездесуде Өзбекстан мен Лаос арасындағы қарым-қатынастарды жаңа деңгейге көтеру мәселелері талқыланды.
Өзара сауда көлемін ұлғайту, іскерлік байланыстарды дамыту, көлік, логистика, фармацевтика, медицина, туризм және басқа да салаларда бірлескен жобаларды ілгерілету басым бағыттар ретінде атап өтілді.
Сауда-экономикалық ынтымақтастықтың құқықтық негіздерін кеңейту, сондай-ақ білім беру мен мәдениет салаларындағы алмасуды жандандыру маңызды екені айтылды.
Көшбасшылар аймақтық және халықаралық күн тәртібіндегі өзекті мәселелер жөнінде де пікір алмасты.
