Сурхондарё вилояти ички ишлар органлари ходимлари ўртасида Қуролли Кучларимиз ташкил этилганининг 33 йиллиги ҳамда Ватан ҳимоячилари кунига бағишланган “Заковат” интеллектуал ўйини ўтказилди.

Унда бошқарманинг соҳавий хизматлари, туман, шаҳар ички ишлар бўлимлари ҳамда Ички ишлар вазирлиги Сурхондарё академик лицейидан ташкил топган 18 та жамоа ўз билим ва зукколигини намойиш этди.

Қизиқарли баҳсларга бой бўлган ўйинда фахрли биринчи ўринни Қумқўрғон тумани ички ишлар бўлими, иккинчи ўринни Ички ишлар вазирлиги Сурхондарё академик лицейи жамоалари қўлга киритди. Учинчи ўрин Ангор тумани ички ишлар бўлимига насиб этди.

Ғолиб жамоалар вилоят ички ишлар бошқармасининг диплом ва қимматбаҳо совғалари билан тақдирланди.

Холмўмин Маматрайимов,

ЎзА мухбири