Иорданиянинг Амман шаҳрида ўсмирлар ва кичик ўсмирлар ўртасида “World Boxing” ташкилоти томонидан Осиё чемпионати баҳслари ўтказилмоқда.

Мазкур чемпионатнинг навбатдаги кунида Ўзбекистон ўсмирлар терма жамоасининг беш нафар вакили – Динислом Давлатёров, Асадбек Эсонбоев, Бобомурод Боймирзаев, Асилбек Абдуқодиров ва Сабрина Чакаманова рингга кўтарилиб, уларнинг барчаси рақиблари устидан зафар қучди. 

Бугун Осиё чемпионатида икки нафар боксчимиз рингга кўтарилади. Жумладан, вазни -60 кг. бўлган Аброрбек Шарипов таиландлик Санти Каевбоонраунгга қарши жанг ўтказса, -66 кг. вазн тоифасида мамлакатимиз шарафини ҳимоя қилаётган Суннатбек Илҳомов япониялик Кунимитсу Ҳонжо билан рақобатлашади.

Жавоҳир Тошхўжаев, ЎзА