Ўқишини кўчириб бермоқчи бўлган "даллол" ушланди
ДХХ Тошкент вилоят бошқармаси ҳамда Иқтисодий жиноятларга қарши курашиш департаменти ходимлари томонидан жорий йилнинг 17 июль куни тезкор тадбир ўтказилди.
Унда Ўрта Чирчиқ тумани Болалар ва ўсмирлар спорт мактаби ходими, 1982 йилда туғилган У.С. танишлари орқали Қирғизистондаги олийгоҳлардан бирида ўқиётганлик ҳақида сохта ҳужжат тайёрлаб бериш ва кейинчалик ўқишни Чирчиқ давлат педагогика университетининг 5-босқич сиртқи таълим шаклига кўчириб беришни ваъда қилган.
У фуқародан мазкур хизмат эвазига 3 минг 800 АҚШ долларини олган вақтида ашёвий далиллар билан жиноят устида ушланган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилди. Қонунбузарга нисбатан қамоқ эҳтиёт чораси қўлланилган. Тергов ҳаракатлари давом этмоқда.
А.Мусаев, ЎзА
