Бугун, 3 июнь куни Арманистоннинг Жермук шаҳрида ўтаётган “Stepan Avagyan Memorial-2025” турнирининг 6-турида Нодирбек Ёқуббоев қора доналарда мусобақа етакчиси ҳиндистонлик Аравинд Читамбарам билан рўбарў келади.

Кеча ўтказилган 5-тур баҳсида оқ доналарда ҳаракатланган Ёқуббоев ирода намойиш этган ҳолда арманистонлик Роберт Хованнисянни 57-юриш ҳолатида мағлубиятга учратди.

Мукофот жамғармаси 19 минг 200 АҚШ долларидан иборат турнирнинг 6-тур ўйинлари остонасида ҳиндистонлик Аравинд Читамбарам 3,5 очко билан пешқадамлик қилаётган вазиятда, 3 нафар шахматчи 3, 2 нафари 2,5, 3 нафари 2 очко билан кейинги ўринларни банд этган. Ҳамюртимиз Нодирбек Ёқуббоев ҳисобида ҳам 2 очко мавжуд

9 турдан иборат бўлган турнир 6 июнгача давом этади.

Т.Рўзиев,

ЎзА