Руминия пойтахти Бухарест шаҳрида классик шахмат бўйича йирик халқаро мусобақа — "Superbet Chess Classic Romania-2025" давом этмоқда. Мукофот жамғармаси 350 минг АҚШ долларини ташкил этади.

Ўзбекистонлик халқаро гроссмейстер Нодирбек Абдусатторов мусобақанинг 2-турида оқ доналарда амалдаги жаҳон чемпиони Гукеш Доммаражуга қарши баҳс олиб бориб, дуранг натижага эришди.

3-турда эса Нодирбек қора доналарда ҳиндистонлик иқтидорли шахматчи Рамешбабу Праггнанандҳаага қарши ўйнаб, афсуски, имкониятни бой берди.

Бугун, 10 май куни бўлиб ўтадиган 4-турда ҳамюртимиз яна қора доналарда ўйин ўтказади — бу сафар у америкалик кучли шахматчи Фабиано Cаруанага қарши баҳс олиб боради.

Мусобақа жами 9 турдан иборат бўлиб, 16 майга қадар давом этади.

Т.Рўзиев, ЎзА