Намибия мустақилликка эришгандан сўнг мамлакатда демократия йўли билан сайланган илк Президент Сем Нужома бу дунёни тарк этди, деб ёзди "Arab news".

Нужома 1990 йил 21 мартда Африка жанубидаги аҳоли гавжум давлатни бошқаришга киришган ва парламентнинг 2005 йилдаги қарори билан расман “Намибия халқи асосчиси” сифатида тан олинган.

– Намибия Республикасининг пойдевори силкинди, – дейилган баёнотда. – Ҳурматли йўлбошчимиз доктор Нужома нафақат озодлик сари йўл очди, балки бизни оёққа туриш ва аждодларимизнинг бепоён заминини эгаллашга илҳомлантирди.

Африка Иттифоқи комиссияси раиси Мусо Факий Муҳаммад марҳумни қитъанинг "энг таниқли инқилобий етакчиларидан бири ва жасорат тимсоли" дея шарафлади.