МУСТАҚИЛЛИК СОЛНОМАСИ: 2007 - 2008 - 2010 - йиллар (+видео)
"Мустақиллик солномаси" лойиҳасининг навбатдаги сони 2007 - 2008 - 2010 йиллардаги асосий воқеа ва ҳодисаларга бағишланади.
2007 йил 23 декабрда мамлакатда навбатдаги президентлик сайлови бўлиб ўтди. Унда Ўзбекистон Либерал-демократик партиясидан кўрсатилган номзод Ислом Каримов сайловчиларнинг 88,1% овозини олиб, навбатдаги муддатга Ўзбекистон Республикаси Президенти этиб қайта сайланди.
2008 йил 22 август куни Тошкент шаҳри ва унинг атрофида 6 магнитудали кучли зилзила содир бўлди. Ҳалок бўлганлар ва жиддий вайронгарчиликлар қайд этилмади.
2008 йилда Ўзбекистон спортчилари Пекинда ўтказилган XXIX Ёзги Олимпия ўйинларида муваффақиятли қатнашиб, 4 та медаль (1 та олтин, 2 та кумуш ва 1 та бронза) қўлга киритди.
2010 йил 10–11 июнь кунлари қўшни Қирғизистон жанубида (Ўш ва Жалолобод шаҳарларида) юз берган миллатлараро низолар оқибатида 100 мингга яқин ўзбек миллатига мансуб қочқинлар Ўзбекистонга кириб келди. Ўзбекистон ҳукумати Андижон ва бошқа вилоятларда вақтинчалик чодир лагерлари барпо этиб, уларга инсонпарварлик ёрдамлари кўрсатди.
<iframe width="650" height="420" src="https://www.youtube.com/embed/eLYo4yh4Opk" title="MUSTAQILLIK SOLNOMASI: 2007 - 2008 - 2010 - yillar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
Муҳайё Турдалиева, Нишонбой Абдувоитов, ЎзА
