Миллатимизга хос бўлган миллий халқ ўйинларимиз фаслларга мослиги, ҳаётийлиги билан алоҳида ажралиб туради.
Ўйинларнинг ташкил этилиши, уларнинг ўтказилиши ва мазмунида ёшларнинг жисмоний сифатлари, иродаларини ривожлантириш билан бир қаторда, ўз кучларига ишонишлари, руҳий бардамликларини мустаҳкамлаш масалалари ҳам ўз ифодасини топган.
Миллий ўйинлар, пойгалар, беллашувлар турли мусобақалар, маросимлар авлоддан-авлодга ўтиб, тарихий меросга айланиб, сақланиб келмоқда. Тарихдан маълумки, халқ сайллари, байрамлари миллий ўйинларсиз ўтмаган, унда ёши улғайиб қолганлар ўз шогирдларига ҳаёт эстафетасини топширганлар. Сайлларда, байрамларда мусобақаларни тарафма-тараф бўлиб ўтказиш,
қатнашчиларнинг жамоа бўлиб ҳаракат қилишлари иштирокчиларнинг бақувват, эпчил ва чаққон, қийинчиликка чидамли, тиришқоқ ва тадбиркор бўлишларини тақозо этган. Миллий ўйинлар, кураш, кўпкари ва спортнинг оммавий турлари халқ орасида қадимдан саховат белгиси сифатида ҳам намоён бўлган. Машҳур
улоқчилар, полвонлар, халқ ўйинлари иштирокчилари тез-тез мусобақалар ўтказиб, беллашувлардан тўпланган маблағни етим-есирлар, кўп болали оилалар ҳамда қарияларга ҳадя этганлар, кўприклар, масжидлар, мадрасалар, каналлар, йўллар ва бошқа халқ ҳашарларида иштирок этганлар.
Миллий ўйинларимизнинг келиб чиқиш тарихи ҳақида Фанлар академияси қошидаги Тарих институти, этнология ва антропология маркази илмий ходими Аҳрор Азизов батафсил маълумот беради.
<iframe width="791" height="445" src="https://www.youtube.com/embed/Q45q0_AP7-o" title="Milliy o`yinlarda millat ruhi mujassam" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>М.Турдалиева, А.Аҳмедов (видео), ЎзА