Markaziy Osiyo mamlakatlarida sanoatning rivojlanishi infografikada (+video)

Iqtisodiy tadqiqotlar va islohotlar markazi tomonidan taqdim etilgan ma’lumotlarga ko‘ra, 2026-yilning yanvar–avgust oylarida Markaziy Osiyo mamlakatlarida sanoat rivojlanishining asosiy tendensiyalari tahlil qilingan.

Sanoat ishlab chiqarishining o‘sish sur’atlari:

🇹🇯 Tojikiston — 13,8%

🇰🇬 Qirg‘iziston — 8,8%

🇺🇿 O‘zbekiston — 8,0%

🇰🇿 Qozog‘iston — 2,8%

To‘rt mamlakatda sanoat ishlab chiqarishining jami hajmi 188 mlrd dollarga yetdi. Uning 93,7%i Qozog‘iston va O‘zbekiston hissasiga to‘g‘ri keldi.

Qayta ishlash sanoatida eng yuqori o‘sish Tojikistonda (23%) qayd etildi. Keyingi o‘rinlarda Qirg‘iziston (10,1%), O‘zbekiston (9,1%) va Qozog‘iston (8,4%) joylashdi.

O‘zbekiston qayta ishlash sanoatining ulushi bo‘yicha yetakchi. Mamlakatda ushbu tarmoq jami sanoat ishlab chiqarishning 87%ini tashkil etdi.

Qirg‘izistonda bu ko‘rsatgich 79.2%

Tojikistonda 51.3% va

Qozog‘istonda 46.9%ga teng.

To‘rttala mamlakatda avtomobilsozlik, oziq-ovqat, kimyo sanoati va qurilish materiallari ishlab chiqarish o‘sdi. Qozog‘iston, Tojikiston va O‘zbekistonda qayta ishlash sanoati qazib olish tarmog‘idagi pasayishni qoplashga xizmat qildi.

M.Turdaliyeva, I.Ismatov. O‘zA