Фарғона ва Марғилон шаҳарлари ҳудудида қурилаётган “Янги Ўзбекистон” массиви замонавий шаҳарсозлик услублари асосида бунёд этилмоқда. Айни пайтда бу ерда 8 та 16 қаватли ва 9 та 12 қаватли уйлар қурилиб, ташқи ва ички безак ишлари якунланмоқда.

Шунингдек, мазкур массивда 990 ўринли мактаб, 330 ўринли боғча, кунлик 250 беморни қабул қилиш имконига эга поликлиника ва ертўла қисмида автотураргоҳ қурилмоқда. Ички йўлларда яшил ҳудудлар, пиёдалар ва велойўлаклар, ногиронлар учун алоҳида ҳаракатланиш йўлаклари ташкил этилган. Хонадонлар марказлашган иситиш тизими ва қуёш панеллари билан жиҳозланади.

Шаҳарча қурилиш ишларида хитойлик ва россиялик инвесторлар ҳам иштирок этмоқда. Жумладан, Хитойнинг “WENY ESTATE DEVELOPMENT” компанияси 7 та 16 қаватли уй қурилишида қатнашмоқда ва вилоят бўйлаб яна 20 та уй қуришни режалаштирган.

[gallery-26498]

Яқин келажакда ушбу шаҳарча вилоятнинг туризм ва яшаш марказларидан бирига айланиши, замонавий инфратузилма ва қулай шароитлар билан аҳоли учун қулай муҳит яратилиши кўзда тутилган.

<iframe width="640" height="420" src="https://www.youtube.com/embed/svfG6Cc1jXY" title="Marg‘ilonda “Yangi O‘zbekiston” massivi barpo etilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муқимжон ҚОДИРОВ (сурат, видео), ЎзА