Сўнгги пайтларда қуёш фаоллиги сезиларли даражада ошгани боис, магнит бўронлари ҳақида кўп эшитяпмиз. Бу ҳолат Қуёшнинг табиий 11 йиллик цикли билан боғлиқ бўлиб, айни дамда циклнинг юқори фаоллик босқичига етиб келмоқдамиз.

Бу давр мобайнида Қуёшдан юқори энергияли зарралар чиқиши ва чақнашлар кўпаяди, бу эса Ернинг магнит майдонига таъсир қилади ва магнит бўронларини келтириб чиқаради.

Магнит бўронлари баъзи одамларда бош оғриғига олиб келиши, электрон қурилмалар эса, айниқса, сунъий йўлдошлар ва алоқа тизимларига зарар етиши мумкин.

2019 йилда бошланган Қуёш циклининг энг юқори нуқтаси 2025 йилда кузатилади. Шундан сўнг қуёш фаоллиги пасайишга бошлайди ва магнит бўронлари ҳам камаяди.

Хўш, ёмон кайфият, бош оғриғи, уйқусизлик: ҳаммасига магнит бўронлари сабабчими?  

Охирги пайтда одамлар ҳар қандай соғлик билан бўладиган муаммони, магнит бўронларидан кўришга одатланиб қолишди. Ҳа, улар баъзида саломатликка таъсир қилиши мумкин, лекин ҳаммада эмас.  

Асосий “қурбонлар” — юраги "заиф", қон томирлари "уринган" ёки FAD молекулалари кўп инсонлар, чунки улар магнит майдони ўзгаришини ҳис қилиш қобилиятига эга экан.  

Бошқаларда ўзгаришлар деярли сезилмайди.

Кекса ёшдаги одамларга бу борада қийинроқ — уларда қон босимининг ошиши, юрак ритми бузилиши кузатилади. Қолаверса, қуёш фаоллиги даврида ташвишли кайфият устуворлик қилиши мумкин.

Бизни кузатишда давом этинг, ўзингиз ва яқинларингизни эътиборсиз қолдирманг.

<iframe width="640" height="420" src="https://www.youtube.com/embed/kfIzxaE1_-4" title="Magnit boʻronlari qachon tugaydi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, У.Тўхтаев (видео), ЎзА