“Мададкор” жамоаси Республика босқичида қатнашадиган бўлди

Сирдарё вилояти Фавқулодда вазиятлар бошқармаси томонидан тегишли ташкилотлар ҳамда Касб-ҳунар таълим муассасалари ҳамкорлигида “Ёш қутқарувчи” кўнгиллилар клублари мусобақасининг вилоят босқичи ўтказилди. Мақсад – ёшлар орасида фавқулодда вазиятларда ҳаракат қилиш кўникмаларини ривожлантириш ва қутқарувчилик маънавиятини юксалтириш.

Мусобақада шаҳар ва туманларда ғолиб бўлган 11 та жамоа иштирок этди. Улардаги 88 нафар аъзо 5 та шарт бўйича ўз билим ва маҳоратларини намоён этишди.

Мусобақа натижаларига кўра  1-ўринни  Боёвут туманининг “Мададкор” жамоаси қулга киритган бўлса, 2-ўринга  Сирдарё туманининг  “Қутқарувчилар” жамоаси, 3-ўринга эса  Сайхунобод туманининг  “Халоскорлар” жамоаси сазовор бўлди.

Якунда ғолиб ва совриндорлар ташкилотчилар томонидан муносиб тақдирланишди. “Мададкор” жамоаси эса Республика босқичида қатнашадиган бўлди.

Ғулом Примов, ЎзА мухбири