Тошкент шаҳар ҳокимлигида Жанубий Корея давлат хизматчиларидан иборат делегация аъзолари билан учрашув бўлиб ўтди.

Корея Республикаси Инсон ресурсларини ривожлантириш миллий институти томонидан давлат хизматчиларининг малакасини ошириш мақсадида ўқув амалиётига юборилган делегация пойтахт ҳокимлиги фаолияти билан яқиндан танишди.  

Хусусан, Тошкент шаҳрида амалга оширилаётган замонавий рақамли хизмат ва технологиялар, жумладан, “Toshkent geoportali”, “Open Data Tashkent”, “Халқ назорати”, “Vision Zero”, “Age Tashkent”, “Атрофимиздаги сервис” платформалари билан таништирилди.  

Учрашувда Ўзбекистон ва Корея Республикаси ўртасидаги тажриба алмашинуви ва ҳамкорликни ривожлантириш масалалари муҳокама қилиниб, шаҳар бошқарувида замонавий технологиялардан самарали фойдаланиш бўйича фикр алмашилди.  

Гулноза Бобоева,

ЎзА