Конгода Эбола билан касалланганлар 1000 дан ошди
Конго Демократик Республикасида Эбола вируси билан хасталанганлар сони минг нафардан ошди. Сўнгги расмий маълумотга кўра, қурбонлар 254 нафарга етган.
Ҳукумат мамлакатдаги эпидемиологик вазият бўйича сўнгги маълумотни эълон қилди. Якшанба куни кечқурун берилган расмий баёнотга кўра, юртда Эбола безгагига чалингани расман тасдиқланган беморлар сони 1 003 нафар. Афсуски, улардан 254 нафари ушбу хавфли вирус туфайли ҳаётдан кўз юмган.
Вазият тез ўзгараётганини шанба кунги рақамлардан ҳам билиш мумкин. Бор-йўғи бир кун олдин ҳукумат касаллик юқтирганлар 956, вафот этганлар 247 киши, дея хабар қилган эди. Қисқа вақт ичида ҳам касалланиш, ҳам ўлим кўрсаткичи сезиларли даражада ортган. Бу ҳақда “Reuters” хабар бермоқда.
Ф.Яхшибоева, ЎзА
