Колумбияда зилзила оқибатида 132 киши ҳалок бўлди(+видео)
Колумбиянинг ғарбий қисмида 7,4 магнитудали кучли зилзила содир бўлди. Ер силкиниши Эквадорда ҳам сезилди, деб хабар берди Euronews.Кучли зилзила Колумбия ва Эквадорни ларзага келтирди. Колумбия президенти Абелардо де ла Эсприельянинг маълум қилишича, камида 132 киши ҳалок бўлган. Яна 700 дан ортиқ киши турли жароҳатлар олган.
Кали шаҳрида ўнлаб бинолар вайрон бўлган. Маҳаллий ҳокимият маълумотларига кўра, вайроналар остида одамлар қолиб кетган бўлиши мумкин.
АҚШ Геология хизмати зилзила кучини 7,4 магнитуда деб баҳолади. Зилзила ўчоғи анча чуқур жойлашганига қарамай, силкинишлар кучли бўлган. Зилзиланинг эпицентри Колумбия пойтахти Боготадан тахминан 400 километр ғарбдаги ҳудудда бўлгани тахмин қилинмоқда.
Колумбия пойтахтидан ташқари, зилзила мамлакатнинг марказий ҳамда ғарбий қисмидаги бошқа шаҳарларда ҳам сезилган.
Колумбия Фуқаро авиация хизмати маълум қилишича, зилзила оқибатида етказилган зарарлар сабабли бир нечта ҳудудий аэропортлар ёпилган.
Бугунги зилзиладан аввал июнь ойи охирида Венесуэлада 7,2 ва 7,5 магнитудали иккита кучли зилзила содир бўлган эди. Ўшанда ер силкинишлари юзлаб биноларни вайрон қилган ва 5 мингдан ортиқ одамнинг ҳаётига зомин бўлган эди.
<iframe width="640" height="350" src="https://www.youtube.com/embed/X5zLmX6vXCQ" title="Kolumbiyada zilzila oqibatida 132 kishi halok bo‘ldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Улуғбек Тўхтаев, ЎзА
