Ёшлар ўртасида ватанпарварлик, интизом ва жисмоний чиниқишни тарғиб этиш — бугунги куннинг муҳим вазифаларидан бири.

 Шу мақсадда Миллий гвардия Тошкент шаҳар бошқармасига қарашли ҳарбий қисмда “Жасорат мактаблари” ўқувчилари ўртасида “Жасорат мактаби гвардиячилари” ҳарбий-спорт мусобақаси бўлиб ўтди.  

Мусобақада Миллий гвардияга бириктирилган пойтахтимиздаги Жасорат мактаблари ўқувчилари орасидан 12 нафар жисмонан соғлом, интеллектуал етук ва интизом борасида энг фаол ўқувчилардан ташкил топган 4 та жамоа қатнашди.

Жамоалар бир нечта шартлар бўйича куч синашди. Дастлабки шарт саф тайёргарлиги бўлиб, унда жамоа иштирокчиларининг махсус кийимбоши, уларнинг сафда туриш ҳамда юриш усулларидан фойдаланган ҳолда саф қўшиқларини куйлаб ҳаракат қилишлари ҳакамлар томонидан баҳоланди. Камондан отиш шартида эса ўқувчи-ёшлар аниқлик билан нишонга теккизишлари орқали балл тўплашди. Арқон тортиш ҳамда ҳарбий спорт эстафетасидаги  шартлар ёш гвардиячилар учун ҳақиқий беллашув майдонига айланди, десак муболаға бўлмайди.

Якуний натижаларга кўра, 1-ўринга Олмазор тумани 326-сонли мактаб жамоаси муносиб деб топилди. 2-ўрин Яккасарой тумани 172-сонли мактаб жамоасига насиб этди. 3-ўринни Юнусобод тумани 58-сонли умумтаълим мактаби жамоаси қўлга киритди.

Мусобақа сўнгида ғолибликни қўлга киритган жамоа аъзолари ҳамда мураббийларга диплом, медаль ҳамда кубок тантанали топширилди.

<iframe width="640" height="420" src="https://www.youtube.com/embed/gd-vXlcoih0" title="“Jasorat maktabi gvardiyachilari” jasurlik sinovidan o‘tdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова,

У.Тўхтаев (монтаж), ЎзА