Имкониятлар сари интилган Сардор (+видео)

Бугун мамлакатимиз ёшларига дунё ҳавас билан боқмоқда. Улар орасидан чиқаётган янгидан-янги истеъдод эгаларининг эришган ютуқлари кўзни қувнатиб, кўнгилни яйратмоқда.

Қашқадарё вилоятининг Косон туманидаги Ниҳол маҳалласида яшовчи Сардор Усмонов бугун ўз билими ва интилиши билан ёшларга янги имкониятлар яратмоқда.

У дастлаб маблағ етишмаслиги сабаб уй шароитида дарс ўтиб, билим улашишни бошлаган. Кейинчалик эса маҳалла ёшлар етакчисининг тавсияси асосида “Кўмак” лойиҳаси орқали ссуда олиб, ўзининг “Sardor’s English Academy” ўқув марказини ташкил этди.

Бугунги кунда ушбу марказ 10 минг нафарга яқин аҳоли истиқомат қиладиган ҳудудда фаолият юритиб, нафақат Ниҳол маҳалласи, балки унга туташ ҳудудлардаги ёшларни ҳам қамраб олмоқда. 

Энг муҳими, бу ерда ўқув маркази мавжуд бўлмагани сабабли яратилган имкониятдан маҳалла аҳолиси, ўқувчилар ва уларнинг ота-оналари мамнун.

Қаҳрамонимиз билан суҳбатнинг тўлиқ шаклини қуйидаги ҳавола орқали кўришингиз мумкин.

<iframe width="650" height="420" src="https://www.youtube.com/embed/oDyDv99LEaQ" title="Imkoniyatlar sari intilgan Sardor" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, Анвархўжа Аҳмедов (монтаж), ЎзА