Хитойлик хакер СИ ёрдамида 100 дан ортиқ компания веб-сайтини бузиб кирган

Хитой тилида сўзлашувчи, номаълум кибер жиноятчи 100 дан ортиқ компания, жумладан “Deere”, “SharkNinja” ва “Cummins” веб-сайтига ҳужум қилган. Деярли барча ишни мустақил сунъий интеллект агентлари бажарган, деб ёзди “Reuters” агентлиги.

25 сентябрдан бери агентлар Қўшма Штатлар, Канада, Австралия ва Японияда 1200 дан кўп веб-сайтни бузишга уринган. Уларнинг 23 соат давом этган самарали уриниши тахминан 50 долларга тушган.

Хакер кўрсатмасида келтирилишича, бунинг учун “Deep Seek” ва “Claude Code” ишлатилган, 100 га яқин Хитой иероглифидан фойдаланилган.

“Deere” компанияси ҳужумга қарши чора кўрилгани, маълумот ўғирланишининг олди олинганини айтган. “Shark Ninja” эса ҳужум фақат ёрдамчи веб-сайтга таъсир қилганини маълум қилган.

“Cummins” айни пайт учинчи томон пудратчиси веб-сайтидаги ҳодисани текширяпти.

С.Раҳимов, ЎзА