Эрон ҳукумати воситачилар орқали Исроил ва АҚШдан ҳарбий ҳаракатларни зудлик билан тўхтатишни сўради. Бу ҳақда Яқин Шарқ ва Европа расмийларига таяниб The Wall Street Journal хабар берди. Расмийларнинг маълум қилишича, агар АҚШ Исроилнинг ҳужумларида иштирок этмаса, Эрон Вашингтон билан ядровий музокараларни қайта бошлашга тайёр. Эрон, шунингдек, Исроилга зўравонликни жиловлаш ҳар икки томон манфаатларига мос келишини билдирган.
Россияда президент Владимир Путиннинг топшириғига биноан 7 ёшдан катта болалар учун дронларни бошқариш бўйича мусобақалар ўтказилади. 2026 йилдан бошлаб ўтказиладиган болалар учун Бутунроссия мусобақалари “Келажак учувчилари” деб номланади. Путин топшириғига кўра, бундай мусобақаларда иштирок этиш учун минимал ёш 10 ёшдан 7 ёшгача пасайтирилади. Иштирокчиларга “дронлар пойгаси” спорт тури бўйича унвон ва разрядлар бериш йўлга қўйилади.
Россия 17 июнга ўтар кечаси Украина пойтахти Киевга дронлар билан йирик зарба берди. Ҳодиса оқибатида 14 киши ҳалок бўлди. Маълум қилинишича, ҳодиса оқибатида 40 дан ортиқ одам жароҳатланган. Соломенский туманидаги иккита турар-жой биноси шикастланган, уларнинг камида биттасида ёнғин чиққан, иккинчисида эса бино конструкциялари вайрон бўлган. Қутқарувчилар вайроналар остидан одамларни қидириш ишларини олиб бормоқда.
Бразилияда икки ёшли бола отасининг қуролини ўйнаб, тасодифан онасига ўқ узди. Ҳодиса оқибатида 27 ёшли Дебора Родригес вафот этди. Ўқ овозидан сўнг аёл, шок ҳолатида, ўрнидан туриб танасидаги жароҳатларни кўздан кечирган. У бир неча қадам юриб, йиқилган. Унинг турмуш ўртоғи биринчи ёрдам кўрсатишга уринган. Аёл шифохонага олиб кетилган, бироқ шифокорлар унинг ҳаётини сақлаб қола олмаган.
Исроил бош вазири Биньямин Нетаньяху Эрон олий раҳнамоси Хоманаийнинг ўлдирилиши мамлакат билан зиддиятга чек қўйишини айтди. Нетаньяхунинг айтишича, Ислом республикаси “Яқин Шарқдаги барчага даҳшат солмоқда ва дунёни ядро уруши ёқасига олиб келмоқда”. Исроил эса “ёвузлик кучларига қарши туриш орқали бу тажовузга чек қўйиш ниятида”.
Ҳиндистоннинг Нагпур шаҳрида IndiGo авиакомпаниясига тегишли самолёт бортда бомба борлиги ҳақидаги таҳдид сабабли фавқулодда қўндирилди. Маълум қилинишича, самолёт Кочи шаҳридан пойтахт Нью Деҳлига парвоз қилаётган бўлган. Йўловчилар фавқулодда қўнишдан кейин эвакуация қилинган. Самолёт текширувдан ўтказилган, бироқ шубҳали буюмлар аниқланмаган. Ҳозирда бомба ҳақидаги маълумот манбаси ва таҳдиднинг ишончлилиги бўйича тергов олиб борилмоқда.
<iframe width="650" height="420" src="https://www.youtube.com/embed/V3C6tJ7z2Ug" title="Rossiya Ukraina poytaxti Kiyevga dronlar bilan yirik zarba berdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Ирода Жўраева, Улуғбек Тўхтаев, ЎзА