Ўзбекистон Республикаси Спорт вазирлиги ва Гандбол федерациясининг 2025 йилги спорт мусобақалари Наманган шаҳридаги Олимпия ва паралимпия спорт турларига тайёрлаш марказида бўлиб ўтди.

Куни кеча марказнинг гандбол залида  — спортнинг гандбол тури бўйича "U-18"  ёшлар ва қизлар ўртасида ўтказилган Ўзбекистон чемпионати ўз якунига етди.

Саккиз кун давом этиб, қизғин ва муросасиз баҳсларга бой бўлган ушбу чемпионат натижаларига кўра, қизлар ўртасидаги баҳсларда 1-ўринни  14 очко билан Наманган вилояти жамоаси, 2-ўринни  Андижон вилояти жамоаси, 3-ўринни Хоразм вилояти жамоаси қўлга киритди.  

Ўғил болалар ўртасидаги баҳсларда 14 очко билан 1-ўринни  Сурхондарё вилояти жамоаси, 2-ўринни  Наманган вилояти жамоаси,

3-ўринни  Андижон вилояти жамоаси эгаллади.

Ғолиб ва совриндорлар ташкилотчиларнинг диплом, медаль ва эсдалик совғалари билан тақдирланди.

Н.Раҳмонова, ЎзА