Футзал бўйича мамлакат миллий чемпионатининг 1-тур баҳслари натижасига кўра “Насаф” ва SQB жамоалари пешқадамга айланди.

Ўзбекистон кубогининг сўнгги мусобақасида бирорта ҳам очко ололмай, гуруҳда қолиб кетган ва эндигина Олий лигага чиққан SQB футзалчиларининг карвонбошилардан бирига айланиши Олий лига баҳсларининг шиддатли ўйинлари ҳали олдинда эканидан далолат, дейиш мумкин.

2025/2026-йилги футзал мавсумининг 1-турида ўтказилган 18 та учрашувда дарвозаларга 125 та гол киритилди. Рақиблар дарвозасини энг кўп нишонга олган жамоа - “Насаф”. Турда энг кўп гол ўтказиб юборган жамоа эса “Максам-Чирчиқ”. 12 та жамоадан 9 таси очко жамғарди. Тўртта жамоа турни мағлубиятсиз якунлади. Ҳозирча учта клубда бирорта ҳам очко йўқ. Амалдаги чемпион – BMB “Динамо” билан 3-4-ўринларни банд этган.

Кеча 1-турнинг олтинчи кунги ўйинларида “Динамо” "Сурхон"ни— 4:2, SQB жамоаси “Қизилқум”ни 5:1, “Насаф” “Нефтчи”ни 6:2 кўринишида мағлуб этди.

Тўлқин Рўзиев,

ЎзА