Флоридада самолёт аҳоли турар жой даҳасига қулади
АҚШнинг Флорида штатидаги Гринакрс шаҳарчаси яқинида ичида 9 нафар йўловчи ва экипаж аъзоси бўлган “Learjet 60” хусусий самолёти аҳоли яшайдиган ҳудудга қулаб тушди.
Таъкидланишича, Техас штатидан Багама ороллари томон ҳаракатланаётган учоқ катта тезликда ерга қулаган.
Маҳаллий полиция бошқармаси ҳодиса жойидаги йўллар ҳаракат учун ёпилганини маълум қилди. Ҳозирча авиаҳалокат сабаблари ҳамда жабрланганлар ва ҳалок бўлганлар ҳақида расмий маълумот берилгани йўқ.
Ф.Яхшибоева, ЎзА
