“Fergana Open”: теннисчиларимиз жуфтлик баҳсларида чемпионга айланди
Фарғона шаҳрида ўсмирлар ўртасида J100 таснифига кирувчи “Fergana Open” халқаро теннис турнирининг жуфтлик баҳслари якунланди.
Қувонарлиси, қизлар ўртасидаги финал учрашувида Нигина Алимова ва Шаҳзода Ортиқбоева жуфтлиги муваффақият қозонди. Теннисчиларимиз Маргарита Актуганова ҳамда Лейла Шахмурадовага қарши кечган баҳсда 6:2, 6:3 ҳисобида ғалаба қозониб, мусобақа чемпионига айланди.
Ўғил болалар ўртасидаги ҳал қилувчи баҳсда эса Акмал Абдуллаев ва Данила Квасов дуэти япониялик Кодай Абе ва Сота Такагавага имкониятни бой берди. Шу тариқа вакилларимиз мусобақани кумуш медаль билан якунлади.
Бугун турнирнинг яккалик баҳсларида ҳам финал учрашувлари ўтказилади. Унда Маҳмудбек Бекназаров япониялик Юта Аманога қарши, Александра Бармичева эса хитойлик Жиайи Вангга қарши бош соврин учун кураш олиб боради.
Жавоҳир Тошхўжаев,
ЎзА
