Сурхондарё вилояти Денов туманида хотин-қизларнинг “Соғлом оила – соғлом миллат учун бирлашайлик!” шиори остида веломарафони ташкил этилди.

Веломарафонда тумандаги маҳаллаларда яшайдиган педагог, тиббиёт ходимаси, уй бекаси ва бошқа фаол хотин-қизлар ягона мақсад йўлида бирлашиб, соғлом авлод тарбиясида жамиятимиз гултожларининг ўрни беқиёс эканини кенг намойиш этди.  

Хотин-қизлар ўртасида спортга бўлган қизиқишни янада ошириб, оилавий қадриятларни мустаҳкамлашга қаратилган мусобақа иштирокчилари соғлом турмуш тарзини тарғиб қилди.  

Соғлом рақобат ва кўтаринки кайфиятда ўтган беллашув ғолиблари мусобақа ташкилотчиларининг эсдалик совғалари билан тақдирланди.  

Холмўмин Маматрайимов,

ЎзА мухбири