“Ёш чегарачилар” ҳарбий-ватанпарварлик мусобақасининг финал босқичи давом этмоқда.

Мусобақа шартларини эпчиллик, чаққонлик ва зукколик билан бажараётган ёшлар куннинг иккинчи ярмида билимлар синовидан ўтди. Ушбу жараёнда уларнинг она тили ва адабиёт, математика, физика, ЧҚБТ фанларидан ҳамда “Давлат Чегараси тўғрисида” ги қонун юзасидан билимлари синовдан ўтказилди. Шундан сўнг АКМ автоматини нотўлиқ қисмларга ажратиш ва йиғиш шартига старт берилди. Бу борада қизлар ҳам ўғил болалардан қолишмаган ҳолда ўз эпчиллигини намоён қилди.

[gallery-23380]

Навбатдаги шарт қисқа ва узоқ масофага югуриш бўлиб, унда ўғил болалар 1000 метрга, қиз болалар эса 100 метрга югуришди. Аввалдан ўзларини жисмонан чиниқтириб келган, яхши тайёргарликка эга иштирокчилар ушбу шартларни осонлик билан уддалади. Шунингдек, ўғил болалар турникда тортилиш машқини ҳам барча талаблардан келиб чиққан ҳолда тез ва тўғри бажаришга ҳаракат қилди.  

"Ёш чегарачилар" ҳарбий-ватанпарварлик мусобақасида иштирок этиб, ҳозирда ДХХ Чегара қўшинлари сафида хизмат қилаётган ҳарбий хизматчилар иштирокидаги мотивацион суҳбат тадбир иштирокчиларида катта таассурот қолдирди. Айниқса, 2015-2018 йиллардаги мусобақаларда қатнашган кичик сержант Саламат Хўжамбергенов, бу йил 2025 йилги мавсумда ўзи ўқиган мактаб жамоаси билан бирга финалга етиб келган устози Абдирасул Тлемуратовни кўриб хурсанд бўлди. Устоз ва шогирд бир-бирлари билан қучоқ очиб кўришар экан, уларнинг қалбидаги қувонч барчанинг қалбига кўчгандек бўлди. Тадбир давомида ўқувчи қизларни ҳарбийликка қизиқтириш мақсадида ДХХ Чегара қўшинларида хизмат қилаётган аёл ҳарбий хизматчилар томонидан суҳбатлар ташкил этилди.

Мусобақа шиддатли ва ёрқин таассуротларга бой  тарзда давом этмоқда.

<iframe width="560" height="315" src="https://www.youtube.com/embed/RtYWcGY0CUo?si=BUZTL_KdJ6BDE7Ao" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Майор Фарида Бобожонова

ДХХ Чегара қўшинлари