Сўнгги йилларда халқаро муносабатларда энергия масаласи асосий ўринга чиқмоқда.

Нефть, газ ва электр энергияси энди фақат иқтисодий ривожланиш омили эмас, балки давлатлар ўртасидаги сиёсий босим ёки таъсир воситасига ҳам айланмоқда. Айрим ҳолатларда, таъбир жоиз бўлса, энергия таъминоти ҳарбий кучдан ҳам самаралироқ қурол вазифасини ўтамоқда.

ЎзА суҳбатдоши – эксперт Сайфиддин Жўраев таъкидлашича, энергия манбаларига эгалик қилиш ёки муайян ресурсни транзит қилиш имконияти давлатларга стратегик устунлик беради. Баъзан энергия оқимини чеклаш ёки йўналтириш, диверсификация қилиш орқали сиёсий қарор шакллантирилади. Шу боис бугунги кунда энергия масаласи миллий хавфсизлик билан тенглаштирилмоқда.

Бинобарин, айни жараён янги хатарларни ҳам юзага чиқариши мумкин. Жумладан, яшил энергетикага ўтиш бир томондан анъанавий хом ашёга қарамликни камайтирса, иккинчи томондан янги технология ва ресурс боғлиқлигини вужудга келтиради. Бошқача айтганда, энергия сиёсати ХХI асрнинг “кўринмас таъсирчан қуроли” сифатида глобал тартибни қайта шакллантирмоқда.

<iframe width="640" height="420" src="https://www.youtube.com/embed/2cWtML6Yee4" title="Energiya siyosati XXI asrning ko`rinmasquroli(mi?) " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Ойбек Давронов (видео), ЎзА