ЕИ Тожикистоннинг уч банкини санкция рўйхатидан чиқарди
Тожикистон Миллий банки маълумотига кўра, Европа Иттифоқи Тожикистоннинг айрим молиявий тузилмаларини санкция рўйхатидан чиқарди.
Таъкидланишича, Тожикистон Республикасининг тегишли идоралари ва Европадаги ҳамкорлари билан мулоқот ва ҳамкорлик аввал жорий этилган чеклов сиёсатини қайта кўриб чиқиш учун қулай замин яратди.
Европа Комиссиясининг жорий йил 23 апрелда қабул қилинган 20-ЕИ санкция пакетининг бир қисми сифатида “Спитамен Банк” ЁАЖ, “Душанбе Сити Банк” ЁАЖ ва “Коммерсбонки Тоҷикистон” ОАЖ санкция рўйхатидан чиқарилди. Ушбу муассасалар 19-чеклов рўйхатига киритилган эди.
Қарор Марказий банк ва мамлакатнинг тегишли вазирлик, идоралари ўртасида ЕК билан ҳамкорлик кенгайиши, шунингдек халқаро мувофиқлик стандартини изчил жорий этиш ҳамда ва пул ювишга қарши курашиш тизимини мустаҳкамлаш натижаси сифатида кўриляпти. Бу қадам банк тизимини такомиллаштириш, сармоядорлар ишончини ошириш ва мамлакатда молиявий хизмат кўламини кенгайтиришга ҳисса қўшиши кутиляпти.
Тожикистон Миллий банки ислоҳотларни амалга ошириш, шаффофлик ва ички назоратни кучайтириш ҳамда банк тизимининг халқаро стандартга мувофиқлигини таъминлашга алоҳида эътибор қаратилишини таъкидлади.
С.Раҳимов, ЎзА
