ЕИ энергетика инқирозига қарши 2022 йилги чораларни қўллаши мумкин
Европа Иттифоқи давлатлари энергетика вазирлари иштирокида ўтган видео конференцияда инқирозга қарши 2022 йил жорий қилинган чораларни тиклаш масаласи кўриб чиқилди. Бу ҳақда Европа Комиссияси энергетика бўйича комиссари Дан Йоргенсен маълум қилди.
Қайд этилишича, АҚШ ва Исроилнинг Эронга қарши ҳарбий ҳаракати энергия ресурслари таъминотидаги беқарорлик ва нарх ошишига сабаб бўляпти.
Муҳокама қилинаётган мавзулар қаторида электр қуввати учун тўловни чеклаш, солиқ юкини камайтириш каби дастурлар бор. Ҳозирча айнан қайси чоралар қайта тикланиши масаласи очиқ.
Мулозим фикрича, ҳатто геосиёсий вазият барқарорлашган тақдирда ҳам, Яқин Шарқдаги энергетика инфратузилмасига етказилган зарар оқибати узоқ муддат сезилиши мумкин.
ЕК Яқин Шарқда ҳарбий амалиёт бошлангандан сўнг, бир ой ўтиб, ЕИ ёнилғи импорти харажати 14 миллиард еврога етган. Шунингдек, газ нархи ўртача 70, нефть эса 60 фоиз ўсган.
Эслатиб ўтиш жоиз, 2022 йил Европа давлатлари энергия компаниялари ортиқча даромадига солиқ жорий қилиб, табиий газ нархига чеклов қўйган эди.
Д.Ҳакимов, ЎзА
