Дунё иқтисодиёти $128 триллиондан ошади: Ўзбекистон нечанчи ўринда? (+видео)

Халқаро валюта жамғармаси прогнозига кўра, 2026 йилда жаҳон иқтисодиётининг умумий ҳажми $128 триллиондан ошади

Таққослаш учун, 2023 йилда бу кўрсаткич қарийб $108 триллионни ташкил этган.

Дунё иқтисодиётининг асосий қисмини эса бир нечта йирик давлатлар шакллантирмоқда.

• АҚШ — $32,64 трлн
• Хитой — $21,55 трлн
• Германия — $5,47 трлн
• Япония — $4,34 трлн
• Буюк Британия — $4,27 трлн

АҚШ ва Хитойнинг жами ЯИМи $54 триллиондан ошади. Бу дунё иқтисодиётининг 42 фоизидан кўпроғи демакдир.

Ўзбекистоннинг ўрни қандай? Прогнозларга кўра, Ўзбекистон 2026 йилда $178,17 млрд номинал ЯИМ билан дунё иқтисодиётлари орасида 60 ўринни эгаллайди.

Минтақадаги қўшниларимиз кўрсаткичлари эса қуйидагича:

• Қозоғистон — $397,92 млрд, 47-ўрин
• Қирғизистон — $26,69 млрд, 124-ўрин
• Тожикистон — $21,11 млрд, 134-ўрин

М.Турдалиева, И.Исматов (ЎзА)