Дрон ҳужумидан кейин Қозоғистонда нефть қазиб олиш кескин камайди
Каспий қувур йўналиши консорциуми (КҚК) терминалига уюштирилган дрон ҳужумидан кейин Қозоғистонда нефть қазиб олиш кескин камайди. Бу ҳолат мамлакат экспорт имкониятига ҳам салбий таъсир кўрсатган. Шундай маълумотни “Reuters” агентлиги икки саноат манбасига таяниб тарқатди.
Таъкидланишича, энг кескин пасайиш республикадаги энг йирик, Американинг Шеврон компаниясига тегишли “Тенгиз” конида кузатилган. Бир манбага кўра, ушбу мажмуада ишлаб чиқариш икки баробардан кўпроқ камайиб, кунига тахминан 406 000 баррелни ташкил қилмоқда. Ҳолбуки, июль ойида шу кондан кунига ўртача 925 000 баррель нефть олинган.
Бошқа бир манба қўшимча қилишича, 21 июль куни Қозоғистонда умумий нефть ва газ аралашмаси ишлаб чиқариш июль ойидаги кунлик ўртача 2,07 миллион баррелдан ҳозир 1,63 миллион баррелга тушган.
Энергетика вазирлиги айни пайт КҚК денгиз терминалида юклаш Қора денгизда кема, экипаж ва атроф-муҳит хавфсизлигини таъминлаш учун вақтинча тўхтатилганини хабар қилди.
С.Раҳимов, ЎзА
