Давлат хавфсизлик хизматининг Сирдарё вилояти бўйича бошқармаси ходимлари томонидан вилоят божхона ҳамда ички ишлар бошқармалари ходимлари билан ҳамкорликда ўтказилган тезкор тадбирлар натижасида ноқонуний майнинг фермалар фаолиятига чек қўйилди.

Хусусан, Гулистон шаҳрида яшовчи, 1981 й.т., муқаддам судланган шахс вилоят марказидаги нотурар бинолардан бирини ижарага олиб, яширин равишда электр тармоғига уланган ҳолда майнинг қурилмаларидан фойдаланиши натижасида давлатга қарийб 532 млн. сўм миқдорида зарар етказган. Текширув давомида 19 дона майнинг қурилмаси ҳамда бошқа буюмлар ашёвий далил сифатида расмийлаштирилиб олинди. 

Шунга ўхшаш яна бир ҳолатда эса Тошкент шаҳрида яшовчи, 1990 й.т. фуқаро Гулистон шаҳрида жойлашган ва ўзининг отасига тегишли бўлган МЧЖ биносида майнинг қурилмаларини ўрнатган ҳолда жорий йилнинг февраль ойидан буён 40 минг АҚШ долларига тенг криптовалюта ишлаб чиқарганлиги маълум бўлди. Текширув давомида у майнинг соҳасида фаолият амалга оширганда фойдаланиладиган электр энергияси учун тўловларни тегишли тариф гуруҳига асосан белгиланган тарифга нисбатан 3 баробар ўсувчи коэффициентга мувофиқ тўламасдан, давлатга 134 млн. сўмдан ортиқ зарар етказганлиги аниқланди ҳамда 148 дона майнинг қурилмаси процессуал тартибда расмийлаштирилиб олинди. 

Эндиликда ҳар икки қонунбузар ҳаракатига нисбатан ҳуқуқий баҳо берилади.

English
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
ДХХ: Гулистон шаҳрида ноқонуний майнинг фермалар аниқланди

Давлат хавфсизлик хизматининг Сирдарё вилояти бўйича бошқармаси ходимлари томонидан вилоят божхона ҳамда ички ишлар бошқармалари ходимлари билан ҳамкорликда ўтказилган тезкор тадбирлар натижасида ноқонуний майнинг фермалар фаолиятига чек қўйилди.

Хусусан, Гулистон шаҳрида яшовчи, 1981 й.т., муқаддам судланган шахс вилоят марказидаги нотурар бинолардан бирини ижарага олиб, яширин равишда электр тармоғига уланган ҳолда майнинг қурилмаларидан фойдаланиши натижасида давлатга қарийб 532 млн. сўм миқдорида зарар етказган. Текширув давомида 19 дона майнинг қурилмаси ҳамда бошқа буюмлар ашёвий далил сифатида расмийлаштирилиб олинди. 

Шунга ўхшаш яна бир ҳолатда эса Тошкент шаҳрида яшовчи, 1990 й.т. фуқаро Гулистон шаҳрида жойлашган ва ўзининг отасига тегишли бўлган МЧЖ биносида майнинг қурилмаларини ўрнатган ҳолда жорий йилнинг февраль ойидан буён 40 минг АҚШ долларига тенг криптовалюта ишлаб чиқарганлиги маълум бўлди. Текширув давомида у майнинг соҳасида фаолият амалга оширганда фойдаланиладиган электр энергияси учун тўловларни тегишли тариф гуруҳига асосан белгиланган тарифга нисбатан 3 баробар ўсувчи коэффициентга мувофиқ тўламасдан, давлатга 134 млн. сўмдан ортиқ зарар етказганлиги аниқланди ҳамда 148 дона майнинг қурилмаси процессуал тартибда расмийлаштирилиб олинди. 

Эндиликда ҳар икки қонунбузар ҳаракатига нисбатан ҳуқуқий баҳо берилади.