Куни кеча, "Янги Ўзбекистон" боғида Наврўз байрами кенг нишонланди. Тадбирда хорижий дипломатлар, жумладан, Буюк Британия элчиси Тимоти Смарт ҳам қатнашди.

Элчи Ўзбекистонда сўнгги саккиз йилда амалга оширилган ислоҳотларни юқори баҳолаб, мамлакатнинг жаҳон саҳнасидаги ўрнининг мустаҳкамланаётганини таъкидлади:

— Саккиз йиллик ислоҳотлар Ўзбекистон ўз мавқеини мустаҳкамлаш йўлидаги таъсирчан йўлдан далолат беради. Мамлакат жаҳон саҳнасига қандай ишонч билан кириб келаётгани, бутун Марказий Осиё минтақасига наф келтираётгани кишини ҳайратга солади. Айниқса, Ўзбекистоннинг таълим ва маданият соҳасидаги ютуқлари эътиборга лойиқ.

Йилнинг энг севимли байрами – Наврўзни шу ерда, гўзал Янги Ўзбекистонда Президент ва дипломатик ҳамжамият билан биргаликда нишонлаш катта шарафдир. Бу воқеа, шубҳасиз, дипломатик тақвимдаги энг муҳим босқичлардан биридир.

Наврўз айёмингиз муборак бўлсин!

ЎзА