Buxoroda yilning eng yaxshi axborot-kutubxona mutaxassisi aniqlandi

FOTOREPORTAJ

Buxoro viloyati axborot-kutubxona markazida «Yilning eng yaxshi axborot-kutubxona mutaxassisi» ko‘rik-tanlovining viloyat bosqichi bo‘lib o‘tdi.

Unda Buxoro viloyati axborot-kutubxona markazi, shahar va tumanlar axborot-kutubxona markazlaridan 14 nafar mutaxassis ishtirok etdi. Ishtirokchilar kasbiy bilim va ko‘nikmalari, ijodiy yondashuvi hamda sohadagi amaliy tajribasini namoyon qildi.

Tanlov davomida ishtirokchilarning kasbiy salohiyati, zamonaviy axborot-kommunikatsiya texnologiyalaridan foydalanish darajasi, mantiqiy fikrlashi va sohaviy bilimlari baholandi.

[gallery-31620]

Yakuniy natijalarga ko‘ra, Buxoro viloyati axborot-kutubxona markazi Axborot-kutubxona fondlarini jamlash xizmati rahbari Taxmina Luqmonova birinchi o‘rinni egallab, tanlovning mamlakat bosqichida ishtirok etish huquqini qo‘lga kiritdi. Shofirkon tumani axborot-kutubxona markazi Axborot-bibliografiya xizmati rahbari Nargiza Muqimova ikkinchi, Vobkent tumani axborot-kutubxona markazi Axborot-bibliografiya xizmati rahbari Dildora Nabiyeva uchinchi o‘ringa sazovor bo‘ldi.

G‘oliblarga diplom va esdalik sovg‘alari topshirildi.

Tohir ISTATOV (surat), O‘zA