Шу кунларда Бўстонлик туманида велоспортнинг шоссе бўйича “Tour of Bostonliq” UCI календар режасига киритилган рейтинг очколар берувчи халқаро турнир пойгалари қизғин ўтмоқда.

Кўплаб хориж давлатларидан спортчилар қатнашаётган мазкур мусобақанинг биринчи кундан ўрин олган вақт бўйича яккалик пойгаларида миллий терма жамоамиз вакиласи Шаҳноза Абдуллаева финишга олтинчи бўлиб етиб келди. Ёш ва умидли терма жамоамиз вакилаларидан Асал Ризаева эса вақт бўйича яккалик баҳсларида фаол иштирок этиб, энг яхши ёш спортчи унвонига муносиб кўрилди. 

Шунингдек, турнирда эркаклар ўртасидаги иккинчи кундан ўрин олган вақт пойгасида иштирокчилар кўрсатган натижалар қуйидагича бўлди. Биринчи ўрин – Батсаикҳан Тегшбаяр (Мўғулистон); иккинчи ўрин – Раилеану Cристиан (Руминия); учинчи ўрин – Кенч Жошуа (Янги Зеландия). 

Шу билан бирга, биринчи босқич аёллар ўртасидаги вақт пойгасида ҳам етакчилар аниқланди. Натижалар қуйидагича кўриниш олди: биринчи ўрин – Оссим Акпеил (Қозоғистон); иккинчи ўрин – Патапова Фаина (Қозоғистон); учинчи ўрин – Элден Коскер /AKUT SPORTSN FEMALE CYCLING TEAM/ (Туркия). 

А.Мусаев,ЎзА