Бильярд: Самарқандда давом этаётган Жаҳон чемпионатида ҳамюртимиз ярим финалга чиқди
Қадимий ва ҳамиша навқирон бўлган Самарқанд шаҳрида бильярд спорт турининг динамик пирамида йўналиши бўйича ўтказилаётган жаҳон чемпионати ўзининг юқори нуқтасига тобора яқинлашмоқда.
Жаҳон сайёҳларини ҳамиша оҳанрабодек ўзига мафтун этиб келаётган Самарқанднинг “Silk Road Samarkand” халқаро туристик марказида бильярд ишқибозларига катта спорт ҳаяжонини тортиқ этаётган мусобақаларда 10 дан зиёд давлатнинг 150 нафар атрофидаги энг маҳоратли бильярдчилари ғолиблик учун кураш олиб бормоқда.
Бугун 26 апрель куни жаҳон чемпионатининг ярим финал баҳслари бўлиб ўтади.
Ярим финалнинг биринчи жуфтлигида россиялик Иосиф Абрамов қирғизистонлик Калибек уулу Арсен билан, иккинчи жуфтликда эса россиялик Никита Володин билан баҳс олиб боради.
Т. Рўзиев, ЎзА
