Юртимиз Буюк ипак йўлининг марказида жойлашган бўлиб, қадим замонлардан буён бутун дунё сайёҳлари эътиборини ўзига тортиб келган. Шу сабаб мамлакатимизда туристлар оқими ҳар ойда салмоқли ошиб бормоқда.

Улар асосан саёҳат, хизмат юзасидан, ўқиш, даволаниш ва қариндошларини йўқлаш мақсадида ташриф буюришмоқда.

Хусусан, Миллий статистика қўмитаси маълумотларига кўра, 2025 йилнинг январь–август ойларида жами 5,2 миллион нафар хориж фуқаролари қариндошларини йўқлаш учун Ўзбекистонга ташриф буюрган.  

Бу кўрсаткич ўтган йилнинг мос даври билан солиштирилганда қарийб 1,2 миллион нафарга ёки 28,9 фоизга ошган.

Мазкур даврда Ўзбекистонга энг кўп қариндошларини йўқлаш учун келган ТОП-15 давлат фуқаролари эълон қилинди. Жумладан, Қирғиз Республикасидан 1,8 миллион, Қозоғистондан 1,5 миллион, Тожикистондан 1,4 миллион, Россиядан 353,7 минг, Туркиядан 30 минг, Туркманистондан 15,8 минг, Хитойдан 4,4 минг, Озарбайжондан 4,1 минг нафар фуқаро келган.

Шунингдек, Украина, Беларусь, Корея, Германия, Исроил, АҚШ, Буюк Британия ва бошқа давлатлардан ҳам юртимизга қариндошларини йўқлаб келаётган фуқаролар талайгина.

Гулноза Бобоева,

ЎзА