Фарғона вилоятининг Бағдод туманида белбоғли кураш бўйича эркаклар ва аёллар ўртасида Ўзбекистон чемпионати бўлиб ўтди.

Спорт вазирлиги ҳамда Белбоғли кураш федерациясининг йиллик-тақвимидан ўрин олган мазкур Ўзбекистон чемпионатида 342 нафар полвон иштирок этди.

Муросасиз баҳслар якунига кўра, Миржалол Мираҳмедов (Фарғона), Насибжон Турсунов (Андижон), Асадбек Маматалиев (Наманган), Илёсбек Ёқубжонов (Андижон), Самандар Анваров (Фарғона), Илҳом Машрапов (Андижон), Ҳусниддин Рўзиев (Андижон), Нодирбек Аҳатжонов (Андижон), Аъзамжон Анваржонов (Андижон) эркаклар орасида олтин медални қўлга киритди.

Аёллар орасидаги белбоғли курашнинг эркин йўналишида Шаҳзода Йигиталиева (Фарғона), Фарангиз Абдунабиева (Тошкент ш.), Феруза Собирова (Наманган), Дилафрўз Мамажонова (Наманган), Севара Саженова (Қорақалпоғистон),Гулкумар Жанназарова (Тошкент в.), Сабоҳат Шералиева (Фарғона) чемпионга айланди.

Шунингдек эркаклар ўртасида эркин йўналишда ҳам бир қатор полвонлар ғолиб бўлди.

Беллашувлар сўнггида ғолиб ва совриндорлар диплом, медаль ва эсдалик совғалари билан тақдирланди.  

Жавоҳир Тошхўжаев, ЎзА