АҚШ ва Эрон ўртасида кескинлик кучайди
АҚШ Эронни Ҳурмуз бўғози ҳудудида Apache ҳарбий вертолётини уриб туширганликда айблаб, мамлакатнинг ҳаво мудофаа тизимлари, бошқарув пунктлари ва радиолокация объектларига зарба берди, деб ВВС нашри хабар тарқатди.
АҚШ Марказий қўмондонлиги эса бу ҳаракатни «Эрон агрессиясига муносиб жавоб» деб баҳоламоқда.
Президент Дональд Трамп вертолёт экипажи омон қолганини маълум қилиб, Вашингтон ҳужумга жавоб беришга мажбур бўлганини таъкидлади.
Эроннинг Инқилобий гвардияси ҳам жавоб тариқасида минтақадаги АҚШ ҳарбий базаларига зарбалар берганини маълум қилди. Бу ҳужумлар Баҳрайн ва Иорданиядаги объектларни ҳам қамраб олган. Қувайт эса ҳаво ҳужумларини қайтарганини маълум қилди.
Эрон ташқи ишлар вазири Аббос Арағчий АҚШнинг ҳаракатларини қоралаб, Эрон ҳеч бир ҳужумни жавобсиз қолдирмаслигини билдирди.
Шунингдек, у хорижий қўшинларни минтақа ҳудудини тарк этишга чақирган.
Сўнгги воқеалар АҚШ, Эрон ва Исроил ўртасидаги кескинликни янада кучайтириб, минтақадаги беқарор вазиятни оғирлаштирмоқда.
<iframe width="650" height="420" src="https://www.youtube.com/embed/8yOeSAGMadU" title="AQSH va Eron o‘rtasida keskinlik kuchaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
