Америка компанияларининг Ўзбекистонга қизиқиши ортмоқда – АҚШ элчиси
АҚШ элчиси Жонатан Хеник Наврўз байрамига бағишланган тадбирда иштирок этиб, Ўзбекистон халқини ушбу баҳор айёми билан табриклади.
– Аввало, Ўзбекистон Президенти ва ҳукуматининг мамлакатда кенг қамровли ва ортга қайтмас ислоҳотларни амалга оширишга қаратилган фаолияти мени ҳайратда қолдирди. Биз иқтисодиётнинг жадал ривожланиши, шунингдек, Ўзбекистонни савдо ва инвестициялар учун истиқболли йўналиш сифатида кўраётган Америка компанияларининг қизиқиши ортиб бораётганини кўряпмиз.
Наврўз нафақат янгиланиш ва фаровонлик тимсоли бўлган ажойиб баҳор байрами, балки эришилган ютуқларни нишонлаш учун муҳим фурсатдир.
Фурсатдан фойдаланиб, Ўзбекистон фуқароларига Наврўз байрами файзли бўлишини чин қалбимдан тилайман! – деди АҚШ элчиси Жонатан Хеник.
ЎзА