89,5 миллион сўм алимент қарздорлик ундирилди
Қорақалпоғистон Республикаси Фуқаролик ишлари бўйича Беруний туманлараро судининг 2023 йил 7 апрель кунги ижро ҳужжатига асосан қарздор Ф.Ё. собиқ турмуш ўртоғи М.О.нинг фойдасига унинг қарамоғидаги икки нафар фарзанди таъминоти учун ҳар ойда алимент пулини тўлаши белгиланган эди.
Қарздор алимент пулларини мунтазам равишда тўламай келганлиги оқибатида унинг қарздорлиги 89,5 миллион сўмни ташкил этган. Шу сабабли, Мажбурий ижро бюроси Беруний туман бўлими давлат ижрочиси томонидан қарздорга алиментдан юзага келган қарздорлик дарҳол қопланмаса, унинг жавобгарлик масаласи ҳал қилиниши тўғрисида ҳуқуқий тушунтириш берилди.
Қарздор жорий йилнинг 13 август куни юзага келган 89,5 миллион сўм қарздорликни ундирувчига нақд пул тўлаб берди.
Довуд Абибуллаев,
ЎзА мухбири
