35 йил ичида Ўзбекистон инвесторлар учун жозибадор мамлакатга айланди (+видео)

Сўнгги йилларда Ўзбекистонда иқтисодий ислоҳотлар, саноатни модернизация қилиш ва хорижий капитал учун очиқлик бўйича кенг кўламли дастурлар амалга оширилиб, Марказий Осиёнинг энг жадал ривожланаётган бозорларидан бири сифатида ўзини намоён этмоқда.

#Мустақилликнинг 35 йиллиги


2017 йилдан бошлаб Ўзбекистонда қулай инвестициявий муҳитни яратиш бўйича туб ислоҳотлар амалга оширилди. Хусусий мулк эгалари, шу жумладан инвесторлар ҳуқуқлари кафолатлари янгиланди, улар ҳатто Ўзбекистон Бош қомусида ҳам янада мустаҳкамланди. Шунингдек, ўтган йилларда хорижий сармояларни рағбатлантиришга оид давлатимиз раҳбарининг қатор қарор ва фармонлари, Ўзбекистон Вазирлар Маҳкамасининг тегишли ҳужжатлари қабул қилинди.

Натижа ҳам узоқ куттиргани йўқ. Бугун Ўзбекистоннинг қайси гўшасига борманг, янги инвестициявий лойиҳалар ва қўшма корхоналарга дуч келасиз. Улар юрт равнақи, аҳоли фаровонлигини таъминлашга, янги иш ўринлари яратишга ва ижтимоий объектлар қурилишига хизмат қилмоқда.

<iframe width="1337" height="752" src="https://www.youtube.com/embed/bD_GUT1GJuQ" title="35 yil ichida O‘zbekiston investorlar uchun jozibador mamlakatga aylandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Нишонбой Абдувоитов, Анвархўжа Аҳмедов, ЎзА