Энергетика хавфсизлиги ойлиги доирасида “Ўзэнергоинспекция” томонидан назорат тадбирлари кучайтирилган тарзда давом эттирилмоқда.

Инспекциянинг Жиззах вилоят ҳудудий бошқармаси томонидан ўтказилган назорат тадбирида аниқланишича, Шароф Рашидов туманида фуқаро С.Ў.га тегишли дарвоза ясаш цехида электр қурилмаларини (қуввати 16,3 кВт) шартномасиз ва ҳисоблагичдан ташқари электр тармоғига улаб, электр энергиясидан ноқонуний фойдаланилган.  

Дастлабки ҳисоб-китобларга кўра, бу ноқонуний ҳаракат туфайли электр таъминоти корхонасига 1 миллиард 160 миллион сўмлик зарар етказилган.  

Мазкур ҳолат бўйича тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.  

Н.Зиёдуллаева тайёрлади,

ЎзА