Ўзбекистон Республикаси Гидрометеорология хизмати агентлигининг хабар беришича, 1 декабрь куни Тошкентда ҳаво ўзгариб туради, вақти-вақти билан ёмғир ёғиб, қорга айланиши мумкин. Ғарбдан секундига 3-8 метр тезликда шамол эсади. Кечаси ва кундузи 5-7 даража илиқ бўлади. 

Қорақалпоғистон Республикаси ва Хоразм вилоятида ҳаво ўзгариб туради, ёғингарчилик бўлмайди. Баъзи жойларда туман тушиши мумкин. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси 2 даража совуқ, 3 даража илиқ, кундузи 0-5 даража илиқ, Устюртда кечаси ва кундузи 3 даража совуқ, 2 даража илиқ бўлади.   

Бухоро ва Навоий вилоятларида ҳаво ўзгариб туради, баъзи жойларда ёмғир ёғади, айрим туманларда ёмғир қорга айланиши мумкин. Жойларда туман тушиши кутилмоқда. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади.  Кечаси 0-5, айрим жойларда 2 даражагача совуқ, кундузи 3-8 даража илиқ, чўл ҳудудларида кечаси 2 даража совуқ, 3 даража илиқ, кундузи 0-5 даража илиқ бўлади.    

Тошкент, Самарқанд, Жиззах ва Сирдарё вилоятларида ҳаво ўзгариб туради, айрим жойларда ёмғир ёғади, баъзи туманларда ёмғир қорга айланиши мумкин. Жойларда туман тушиши кутилмоқда. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси ва кундузи 3-8 даража илиқ бўлади.   

Қашқадарё ва Сурхондарё вилоятларида ҳаво ўзгариб туради, баъзи жойларда ёмғир ёғади. Айрим ҳудудларда туман тушиши мумкин. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси 2-7, кундузи 7-12 даража илиқ бўлади.  

Андижон, Наманган ва Фарғона вилоятларида ҳаво ўзгариб туради, баъзи жойларда ёмғир ёғади, айрим туманларда ёмғир қорга айланиши мумкин. Туман тушиши кутилмоқда. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси ва кундузи 2-7 даража илиқ бўлади.   

Республикамизнинг тоғолди ва тоғли ҳудудларида ҳаво ўзгариб туради, айрим жойларда ёғингарчилик (ёмғир, қор) бўлади. Сел-сув тошқин ҳодисалари юзага келиши мумкин. Жойларда туман тушади. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Кечаси 3 даража совуқ, 2 даража илиқ, кундузи 0-5 даража илиқ бўлади.  

Муҳим ҳодисалар 

30 ноябрь –1 декабрь кунлари республикамиз бўйлаб вақти-вақти билан ёмғир ёғади, баъзи жойларда кучли бўлади. 30 ноябрь – 1 декабрь кунлари айрим жойларда ёмғир қорга айланиши мумкин.  

1-2 декабрь кунлари ҳаво ҳарорати кечаси 3 даража совуқ, 2 даража илиқ, кундуз кунлари 3-8 даража илиққача, шимолда кечаси 3-8 даража совуқ, кундуз кунлари 2 даража совуқ, 3 даража илиққача пасаяди. 

Республикамизнинг айрим ҳудудларида шамолнинг тезлиги секундига 13-18 метргача кучайиши мумкин.  

30 ноябрь – 1 декабрь кунлари республикамизнинг  тоғолди ва тоғли ҳудудларида сел-сув тошқин ҳодисалари юзага келиши кутилмоқда.  

ЎзА