Өзбекстан Президенті ресми сапармен Беларусь еліне барады

Өзбекстан Республикасының Президенті Шавкат Мирзиёев Беларусь Республикасының Президенті Александр Лукашенконің шақыруымен 8–9 шілде күндері аталған елге ресми сапармен барады.

Сапар бағдарламасына сәйкес, Минск қаласында жоғары деңгейдегі келіссөздер өткізу жоспарланған.

Кездесу барысында Өзбекстан мен Беларусь арасындағы көпқырлы стратегиялық серіктестікті одан әрі кеңейту мәселелері талқыланады.

Тараптар өзара тауар айналымын ұлғайтуға, ауыл шаруашылығы, машина жасау, фармацевтика, жеңіл өнеркәсіп, азық-түлік өндірісі және экономиканың басқа да салаларындағы кооперацияны дамытуға ерекше назар аударады.

Сонымен қатар мәдени-гуманитарлық ынтымақтастықты кеңейту мәселелері де күн тәртібіндегі негізгі тақырыптардың бірі болады.

Саммит қорытындысы бойынша басым бағыттар бойынша екіжақты құжаттардың ауқымды топтамасына қол қою жоспарланған.

Айта кетейік, ресми сапар қарсаңында Минск қаласында екі ел өңірлерінің делегациялары мен іскер топтарының қатысуымен үшінші Өңіраралық форум өтеді.