Өзбекстан ХЕҰ стандарттарын сақтауда тұрақты нәтижелерге қол жеткізіп келеді
Өзбекстан Республикасы Олий Мажлис Сенатының Төрағасы Танзила Нарбаева Халықаралық еңбек ұйымының Еуропа және Орталық Азия елдері бойынша өңірлік бюросының директоры Питер ван Роймен кездесті.
Кездесу барысында кейінгі жылдары Өзбекстанда әлеуметтік-еңбек қатынастарын жетілдіру, әлеуметтік әріптестік тетіктерін нығайту және халықаралық еңбек стандарттарының сақталуын қамтамасыз ету бағытында тұрақты жетістіктерге қол жеткізілгені атап өтілді.
Тараптар Өзбекстан мен Халықаралық еңбек ұйымы арасындағы ынтымақтастықтың қазіргі жай-күйі мен келешегін, сондай-ақ еңбек, жұмыспен қамту және әлеуметтік әріптестік салаларында жүзеге асырылып жатқан реформалардың нәтижелерін талқылады.
Сонымен қатар 2026–2030 жылдарға арналған лайықты еңбек жөніндегі ұлттық бағдарлама жобасы бойынша пікір алмасылды.
Кездесуде еңбек нарығын дамытуға, жұмыспен қамту сапасын арттыруға және халықты әлеуметтік қорғауды күшейтуге бағытталған бірлескен жобалар да қарастырылды.
Тараптар еңбек қатынастары саласындағы жұмыстардың тиімділігін арттыру үшін сындарлы ынтымақтастықты одан әрі дамыту маңызды екенін атап өтті.
