Январь-июль ойларида электр энергияси ишлаб чиқариш 7,8 фоизга ошди
Энергетика вазирлиги ахборот хизматининг хабар беришича, 2026 йил январь-июль ойларида мамлакатимизда 54,3 миллиард киловатт-соат электр энергияси ишлаб чиқарилган. Бу ўтган йилнинг мос даврига нисбатан 3,9 миллиард киловатт-соат ёки 7,8 фоизга кўп.
Ишлаб чиқарилган электр энергиясининг 38,9 миллиард киловатт-соати иссиқлик электр станциялари, 7,5 миллиард киловатт-соати катта қувватли қуёш ва шамол электр станциялари, 5,4 миллиард киловатт-соати гидроэлектр станциялар, 1,9 миллиард киловатт-соати кичик қувватли қуёш панеллари (Rooftop) ҳамда 593,7 миллион киловатт-соати блок-станциялар ҳиссасига тўғри келган.
Қайд этилишича, январь-июль ойларида республикада электр энергияси истеъмоли 52,9 миллиард киловатт-соатни ташкил этган. Бу кўрсаткич 2025 йилнинг шу даврига нисбатан 2,6 миллиард киловатт-соат ёки 5,2 фоизга кўп.
Шунингдек, жорий йил июль ойининг ўзида республикада 8,9 миллиард киловатт-соат электр энергияси ишлаб чиқарилган. Бу ўтган йилнинг июль ойига нисбатан 920,3 миллион киловатт-соат ёки 11,6 фоизга ошган.
Июль ойида республикада электр энергияси истеъмоли 8,8 миллиард киловатт-соатни ташкил этди. Бу кўрсаткич ўтган йилнинг мос даврига нисбатан 638,8 миллион киловатт-соат ёки 7,8 фоизга кўпайган.
Н.Зиёдуллаева, ЎзА
