Туркия илғор ракета тизимини намойиш қилди (+видео)
Туркия мудофаа саноати янги босқичга чиқаётганини кўрсатувчи яна бир лойиҳа тақдим этилди. Миллий мудофаа вазирлиги қошидаги илмий-тадқиқот маркази “SAHA 2026”кўргазмасида мамлакатнинг илк қитъалараро баллистик ракетаси — “Yidirimhan”ни намойиш қилди.
Анадолу агентлиги маълумотига кўра, мазкур ракета юқори тезлик ва узоқ масофа имкониятлари билан ажралиб туради. У 25 мак тезликка етиши ва қарийб 6 минг километр масофани босиб ўтиши мумкин. Тизим суюқ азот тетраоксиди ёқилғисида ишлайди ва тўртта двигатель орқали ҳаракатга келтирилади.
Янги ишланма Истанбулда ўтаётган халқаро мудофаа ва авиация кўргазмаси доирасида тақдим этилди. Унда маҳаллий ва хорижий компаниялар, ҳарбий делегатциялар ҳамда экспертлар иштирок этмоқда.
Мутахассислар фикрича, “Yildirimhan” лойиҳаси Туркиянинг ракета технологиялари ва умумий мудофаа салоҳиятини изчил ривожлантириш йўлидаги навбатдаги муҳим қадамдир.
<iframe width="815" height="458" src="https://www.youtube.com/embed/N2XM7GgWs64" title="Turkiya ilg`or raketa tizimini namoyish qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Мадинабону Насриева, Улуғбек Тўхтаев (видео), ЎзА
